Kreu i opozitës, Lulzim Basha ende nuk ka një marrëveshje me aleatët për mënyrën se si do të shkojnë në zgjedhjet e 25 qershorit.
Kreu i PBDNJ-së, Vangjel Dule ka shkuar sot në zyrën e Lulzim Bashës, për të diskutuar për mënyrën e pjesëmarrjes në zgjedhje, por burimet e Opinion.al kanë konfirmuar se mes Dules dhe Bashës ende nuk është finalizuar një marrëveshje.
Pak më herët, në zyrën e Bashës ishin edhe Dashamir Shehi i LZHK-së dhe Nard Ndoka i PDK-së, të cilët janë treguar hermetik me mediat që prisnin një deklaratë prej tyre në dalje nga selia blu.
Deri në këto çaste, pak gjëra dihen në lidhje me formulen që do zbatohet nga kreu i opozitës për përfshirjen e aleatëve në listat e PD-së.
Burimet bëjnë me dije se përcaktimi final i tyre do të jetë një vendimmarrje ekskluzive e Lulzim Bashës.
