Aktualitet

Pakt Rama-Basha për afatin e Vettingut? Ja çfarë thotë PD


Bëhu pjesë e Grupit Zyrtar të Opinion.al
>> KËTU <<
               Publikuar në : 17:00 - 09/10/21 |
Opi Nion

Deputeti i Partisë Demokratike, Oerd Bylykbashi ditën e sotme me anë të një postimi në rrjetet sociale publikoi sipas tij një ofertë që Partia Socialiste i ka bërë opozitës për zgjatjen e afatit të anëtarëve të vettingut.

Bylykbashi shkroi se Rama i ka ofruar PD-së disa bashki në hartë në këmbim të votimit të zgjatjes së afatit të organeve të vettingut. “Me zgjat afatin e antarëve të vetingut, të të shtoj disa bashki në hartë. Këtë pazar i ofron Rama PD-së. Si tregti kuajsh. Më jep një kalë, të të jap një mushkë”, shkroi Bylykbashi në Facebook.

Ndërkohë burime nga Partia Demokratike konfirmuan se për sa i përket zgjatjes së afatit të organeve të vettingut, Partia Demokratike nuk ka hyrë në asnjë diskutim apo vlerësim, as me Partinë Socialiste dhe as me partnerët, sepse nuk është në prioritetet e selisë blu. PD thekson se reforma territoriale është fokusi i tyre.

“Reforma territoriale është interesi më i mirë i qytetarëve shqiptarë për të marrë shërbimet që i mungojnë prej 6 vitesh, që kur Edi Rama njëanshmërisht miratoi reformën që në thelb kishte vetëm avantazhin e PS në zgjedhje. Po ashtu reforma zgjedhore duhet të nis me garantimin e votës së lirë dhe zgjedhjeve të lira, jo siç gabimisht u orientua më parë, vetëm tek kërkesa e panegociueshme e Edi Ramës për të marrë nën kontroll komisionet zgjedhore me punonjës të administratës publike, dhe që fatkeqësisht ju prezantua lidershipit të partisë si kërkesë e panegociueshme e partnerëve ndërkombëtar. Këto dy reforma janë i vetmi prioritet i Partisë Demokratike. Kjo është shpallur publikisht dhe është miratuar edhe në mbledhjen e Grupit Parlamentar.

Përsa i përket zgjatjes së afatit të organeve të vettingut, Partia Demokratike nuk ka hyrë në asnjë diskutim apo vlerësim, as me Partinë Socialiste dhe as me partnerët, sepse nuk është në prioritetet tona. Nëse zoti Bylykbashi është kontaktuar nga Edi Rama për këtë çështje dhe i është ofruar ndonjë zgjidhje, jo vetëm duhet ta refuzojë, por duhet të informojë edhe Kryetarin e Grupit Parlamentar për këtë çështje”, kanë thënë burime nga PD./Opinion.al

Pas