Një objekt i dyshimtë, në dukje si një sasi lënde plasëse që dyshohet se është e lidhur më një celular është gjetur mbrëmjen e së dielës në një ndër rrugët e lagjes “10 Korriku” në Vlorë.
Lënda e dyshuar plasëse u gjet në mes të rrugës dhe për këtë arsye policia ka bllokuar qarkullimin e mjeteve dhe këmbësorëve në zonë, duke vendosur perimetrin e sigurisë, teksa ka evakuar bizneset dhe banorët pranë zonës.
Dyshimet e para janë se lënda plasëse se mund t’i ketë rënë ndonjë makine në lëvizje. Pritet mbërritja e forcave xheniere për të bërë çaktivizimin e lëndës shpërthyese./Opinion.al
