Një çift në Pakistan është arrestuar pasi dyshohet se ka torturuar dhe vrarë një 8 vjeçare, pasi ajo liroi nga kafazi dy papagallë të shtrenjtë.
Hassan Siddiqi rrëfeu se ai dhe gruaja e tij rrahën në një gjendje zemërimi vajzën, e cila po punonte për ta si shërbyese, në qytetin e Rawalpindi, thanë zyrtarët e policisë për The Independent.
Vajza ishte pa ndjenja kur u dërgua në një spital privat në 31 maj. Ajo u mbajt në jetë me ventilator, por vdiq ditën tjetër. Sipas raportit mjekësor të spitalit, vajza e ndjerë kishte shenja torturimi në faqe, brinjë dhe kofshë.
Ajo gjithashtu kishte shenja më të vjetra dhune të cilat ende nuk ishin shëruar plotësisht. Raporti gjithashtu tha se 8 vjeçarja kishte shenja dëmtimi në disa zona, që sugjerojnë një përdhunim të mundshëm. Policia është në pritje të një raporti përfundimtar./Opinion.al
