Bota

Pakistan/Plazma e gjakut e të shëruarve nga epidemia po shitet në të zezë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:09 - 24/06/20 |
Al Do

Teksa kaosi i koronavirusit ka përfshirë Pakistanin, me spitalet e tejmbushura, mjekët që vdesin dhe infeksionet që përshkallëzohen me një ritëm të pakontrollueshëm, është shfaqur një treg i zi i rrezikshëm i plazmës së gjakut.

Plazma e gjakut e pacientëve të shëruar nga Covid-19 tani po shitet për 3,000 paund për ata që kërkojnë me dëshpërim për një kurë, në një kohë kur mjekët thonë se sistemi shëndetësor i Pakistanit është në prag të kolapsit.

Plazma po shihet në të gjithë botën si një trajtim i mundshëm i sëmundjes. Ajo përmban antitrupa të gjeneruar nga sistemet imune të njerëzve që janë shëruar prej koronavirusit.

Mjekët në spitalet qeveritare në Islamabad thanë se kishin dëshmuar transaksione midis pacientëve dhe ndërmjetësve.

“Spitalet nuk janë të përfshirë, por unë kam parë që marrëveshje të ndodhin para meje,” tha një mjek në një spital qeveritar në Islamabad për The Guardian. “Zakonisht, pjesëmarrësit ose familjarët e një pacienti do t’i afrohen dikujt që është shëruar, duke u kërkuar atyre të dhurojnë gjak. Kur një shumë e caktuar është rënë dakord, zakonisht midis 200,000 dhe 800,000 rupi (950 – 3,800 paud), ata shkojnë në një laborator privat dhe nxjerrin plazmën, e cila “u dhurohet” pacientëve. ”

Ai shtoi: “Unë njoh një familje prej pesë vetash që u bënë Covid-19 pozitive dhe kaluan 3.5 milion rupi në plazmën e gjakut në tregun e zi. Ata besojnë se është një kurë mrekullie. ”

Burimet në agjencinë federale të hetimit konfirmuan se ata ishin të vetëdijshëm për shitjet e parregulluara në tregun e zi të plazmës së gjakut por i takon policisë të hetojë rastet individuale.

Mjekët thanë që spitalet në Islamabad gjithashtu kishin mbaruar barnat trajtuese, siç është deksametazoni i cili kohët e fundit u vërtetua se ndihmon në rikuperimin Covid-19, si edhe bombulat e oksigjenit, pasi ato ishin vjedhur dhe tani ishin duke u shitur për një çmim 25 herë më të lartë në tregun e tregun e zi.

Tani Pakistani ka një nga nivelet më të shpejta të infektimit në botë, me 185,000 raste të konfirmuara dhe me 5 mijë raste të reja në ditë. Ministri i planifikimit, Asad Umar, ka thënë se rastet mund të tetëfishohen deri në fund të korrikut dhe të arrijnë 1.2 milionë.

Kufizimet e bllokimit u hoqën në Pakistan në 18 maj nga gjykata supreme. Ajo tha se virusi “nuk ishte një pandemi në Pakistan” dhe ngriti pyetje pse lufta për ta përmbajtur pandeminë kishte “marrë kaq shumë para”. /Opinion.al

Pas