Presidenti Meta është pyetur sot nëse do ta dekretojë ose jo paketën ligjore ‘antishpifje’ të miratuar me 82 vota në Kuvend.
“Do ta shoh me vëmendje, pasi janë ndryshime të minutave të fundit, do të shikojmë për të zbardhur të gjitha aktet dhe relacionet përkatëse dhe përgjigja do të jetë në kohën e duhur, e argumentuar dhe transparente“, tha Presidenti Meta.
I ftuar sot në Konferencën vjetore të Avokatit të Popullit, “Liria pa urrejtje-Liria e shprehjes përballë të të drejtave të tjera të njeriut”, Presidenti tha se liria e medias në Shqipëri është përkeqësuar dhe kjo është një kambanë alarmi për Shqipërinë.
Gjatë këtij viti Presidenti Meta ka kthyer për rishikim në Kuvend disa ligje të iniciuara nga qeveria dhe të miratuara nga mazhoranca. Mbetet për tu parë nëse beteja institucionale mes tyre do të vijojë ende. /Opinion.al
