Kryeministri Rama paralajmëroi se nesër do të prezantojë paketën ligjore të masave kundër “të fortëve” ose “Anti-KÇK” siç e quajti ai.
Në bashkëbisedimin me gazetarët, kryetari i PD, Basha tha se ky do të jetë si projekti “ku donte të vinte Saimit Tahirin komandat i SPAK dhe BH” i cili është hedhur poshtë nga Gjykata Kushtetuese.
Sipas tij e gjithë kjo paketë ligjore do të jetë përpjekja e fundit e Ramës për të kapur SPAK dhe BKH.
“SPAK dhe BKH po vonohen, shkaku është vetëm Edi Rama. AntiKÇK synon të dëmtojë dhe zhbëjë SPAK-un dhe BKH-në. AntiKÇK është një mashtrim, strukturë paralele me SPAK dhe BKH. “AntiKÇK është përpjekja e fundit për të sabotuar SPAK-un. Do e bëjë spektakël, do e bëjë si një gjë të madhe dhe do kapë nja dy tre koka dhe do i lirojë prapë siç ka bërë me të tjerë. Do e shesë me media dhe gazeta pasi ka blerë boll të tilla. Por ai sot nuk gënjen dot një fëmijë jo më të rritur. Edi Rama sot është ortaku i kriminelëve”, tha Basha. /Opinion.al
