I ftuar dje në Top Show pasi rrëfeu për projektin e tij të fundit, Dreni nuk shpëtoi nga pyetjet për jetën private. Ndërsa Ervini nisi ta ngacmonte në lidhje me martesën, Dreni tha se nuk është martesa gjëja që ai mendon gjithë ditën: “Por ndonjëherë e mendon”, – ia kthen Albani si për ta nxitur të zbulojë ndonjë gjë më shumë: “Por kur të vijë, le të vijë, po s’është që unë e bëj plan…” – tha Dreni duke mos lënë asnjë hapësirë më shumë për të dyshuar. Tani për tani nuk e ka mendjen, madje, siç tha ai, as familja nuk i bën presion për këtë pjesë: “Fundja, 30 vjeç jam, 32…” justifikohet.
Por Ervini e vazhdon më tej ngacmimin, duke i treguar Drenit se Genta (e ftuara tjetër e programit) është 35 vjeç dhe ka tre fëmijë. I zënë ngushtë, këngëtari tha se ai e ka pak të pamundur për shkak të punës që bën, është gjithmonë në lëvizje…
Për ta “shpëtuar”, ndërhyn në fund Genta (Gentiana Beqa, Kampione e Botës në kategorinë “Women’s Wellness Fitness”): “Unë mendoj që akoma nuk e ka gjetur një vajzë që ia lëviz zemrën”, – tha ajo dhe pas kësaj deklarate.
Në fund këngëtari e mbylli me deklaraten e duhur: “Në 2018-ën do martohem…” – tha Dreni me humor.
Me sa u kuptua, Dreni është i lirë, vajza. Edhe disa ditë, se 2018-a është shumë afër.
