Kryeministri Edi Rama ka reaguar pak para nisjes së samitit për Ukrainën, i cili po zhvillohet në Tiranë.
Përmes një postimi në rrjetin social “Facebook”, Rama shkruan se sot Tirana mikpret liderin e rezistencës heroike ukrainase.
“Mirëmëngjes dhe me krenarinë për Shqipërinë, që sot mikpret në Samitin e Europës-Juglindore, liderin e rezistencës heroike ukrainase, Presidentin Volodymyr Zelenskyy, në një takim solidariteti e angazhimi të mëtejshëm të demokracive tona kundër agresionit rus, ju uroj një ditë të mbarë”,-shkruan Rama në Facebook.
