Partia e Lirisë pritet të mbledhë ditën e sotme Komitetin Drejtues Kombëtarë rreth orës 18:00.
E pranishme do të jetë edhe deputetja e Partisë së Lirisë, Monika Kryemadhi, e cila ka bërë një reagim në rrjetet sociale disa orë para zhvillimit të kësaj mbledhje.
Ajo skruan se çdo tentativë përjashtuese nuk i shërben ringritjes së partisë.
Postimi i plotë i Kryemadhit:
Meritokracia, mendimi ndryshe, vlerat e individëve në vite që kanë dhënë ndihmesën, në një parti politike janë jetësore dhe hapja ndaj të resë i bëjnë ato edhe më të domosdoshme për rigjallërimin politik. Sot më shumë se kurrë opozita dhe aq më shumë Partia e Lirisë kanë nevojë për to. Çdo tentativë imponuese përjashtuese apo edhe bullizuese ndaj kujdo që mendon jashtë rreshtit është devijim ndaj mbylljes jo ringritjes. Të rinjtë duhet të mësojnë nga gabimet e të vjetërve jo ti përsërisin ato. Ndryshimi vjen me fakte jo me fjalë. E drejta për tu përmirësuar është për këdo. Sot në orën 18:00 në KDK e PL.
