Lideri demokrat u shreh se ka besim tek dialogu pritet të zhvillohet në Tiranë. Sot vjen për negociata zv.Presidenti i PE, Mc Allister ose siç cilësohet në media “i besuari i Merkel”. Zyrtari i lartë europian do të negociojë me tre liderët politik, Ramën, Bashën e Metën për rrugën e daljes nga kriza dhe përfshirjen e opozitës në zgjedhje. Takimet pritet të nisin rreth orës 15:00 veçmas me secilin prej tyre dhe nëse arrihet marrëveshja ata do të ulen në tavolinën e përbashkët.
Nga çadra e lirisë, lideri demokrat u shpreh:“Sot kemi shansin ta zgjidhim me dialog. Lulzim Basha shkon në këtë proces sepse përfaqeson interesat e një bashkimi të jashtëzakonshëm shqiptarësh. Ndaj e kam të thjeshtë të bëj kompromis politik për gjithçka që më takon mua dhe partisë time por asnjë tërheqje që i takon fateve të qytetareve dhe demokracisë së Shqipërisë”.
Zgjidhja që kërkojmë është e ndershme. S’po kërkojmë pushtet në tavolinë. I kërkojmë vetëm ti lejojë popullit të vendosë me votë të lirë e të ndershme.
Të shpresojmë që rruga e arsyes dhe e dialogut do na çoje drejt një bashkimi kombëtar për Shqipërinë europiane me pasurinë e pluralizmit politik brenda. Përmes dialogut apo përballjes populli do të fitoje gjithmonë”.
/Opinion.al
