Bashkëshortja e Lulzim Bashës, Aurela Basha ka publikuar një foto me të atin në rrjetet sociale. Më anë të kësaj fotoje ajo ka shprehur falënderime për të gjithë ata që iu gjendën pranë familjes së saj, në këto ditë të hidhura pasi humbën njeriun e tyre të dashur
Pak ditë më parë ajo bëri të ditur se ishte ndarë nga jeta babai i saj, Xhafer Isufi. Ndërsa sot, Aurela ka treguar mënyrën se si ai e ka rritur.
“Unë dhe familja ime jemi prekur nga vizitat, mesazhet, letrat, dhe lulet pas ndarjes nga jeta të babait tim që na sollën kaq shumë ngushëllim këto ditë të hidhura.
Babai im ishte një burrë i jashtëzakonshëm, një burrë i fortë, një burrë Labërie. Ai më rriti me dashurinë për të parët tanë, për atdheun dhe për Kosovën; më rriti me dashurinë e madhe për njerëzit.
Jam pafund mirënjohëse që më ka lënë pas kaq shumë miq e shokë, kaq shumë dashuri dhe respekt”,-shkruan Aurela Basha./Opinion.al
View this post on Instagram
