Hetimet për vrasjen e shtetasit Menduh Kurt-Deda u rihapën nga Prokuroria e Tiranës në Janar të 2021-shit dhe përgjatë 1 viti policia ka bërë një sërë akt ekspertimesh në drejtim të identifikimit të kufomës.
Për këtë qëllim, kufoma e cila ishte varrosur në 2017 e pa identifikuar, u zhvarros 1 vit më parë dhe nëpërmjet kockave u bë ndërtimi i profilit gjenetik, i cili doli i përputhshëm me familjarët e Dedës.
Referuar dosjes hetimore, ajo që ka ndihmuar hetuesit është një pajisje e re e cila realizon thërrmimin e materialit kockor me anë të të cilës, sapo është vënë në punë në Mars të këtij viti është bërë e mundur identifikimi i viktimës.
Dëshmia e një shtetasi, i cili kishte pasur lidhje intime me Marjeta Karajn, e arrestuar si porositëse dhe kishte rënë në dijeni të krimit, ndihmoi hetuesit të shkonin te autorët.
Kjo dëshmi është konfirmuar më pas nga i arrestuarit tjetër Gazmir Ngota, i cili ka rrëfyer se si Menduh Kurt-Deda u dhunua dhe dogj i gjallë nga Besmir Karaj, për një borxh me kërkesë të mamasë./Tv Klan
