Komisioni Hetimor për pajisjen përgjuese IMSI – Catcher ka marrë sot në pyetje drejtorët e burgjeve dhe shefat e policisë së burgjeve, Peqin dhe Rrogozhinë në tentativë për të marrë informacion mbli lëvizjen e kësaj pajisje. Shefi i burgut të Rrogozhinës, Besnik Kaptelli deklaroi se me urdhër të drejtorit të përgjithshëm, Artur Zoto ka pritur në zyrë në kohën që ka qenë drejtori i burgut të Peqinit një oficer të policisë, të qujatur Entjol Xhelili.
Besnik Kaptelli u shpreh se oficeri i policisë është futur me makine sipas rregullores dhe protokollit të burgut, ndërsa e ka pritur për 15 minuta në zyrë ku ka diskutuar për cështje sensitive për bashkëpunimin mes institucioneve dhe më pas është larguar.
Besnik Kaptelli deklaroi se për këtë cështje ka dhënë dëshmi edhe në prokurorinë e Tiranës, ndërsa emrin e oficerit e ka mësuar pas nisjes së hetimeve.
Gjithashtu Kaptelli u shpreh se nuk ka pasur dijeni që në makinën të ketë pasur pajisje përgjimi.
