Një pajisje “me madhësinë e një pjate” u la në barkun e një gruaje në Zelandën e Re pasi ajo lindi me prerje cezariane në një spital të Auckland, shkruan BBC.
Tërheqësi i plagëve Alexis, një instrument i butë tubal i përdorur për të mbajtur plagët e hapura kirurgjikale u hoq vetëm 18 muaj pas lindjes së saj.
Gjatë kësaj kohe, gruaja duroi dhimbje të forta dhe mjekime deri në momentin që u zbulua problemi nga një skanim CT((tomografi e kompjuterizuar). Mjekët thanë se sistemi spitalor publik kishte dështuar pacientin. Fillimisht, autoritetet shëndetësore thanë se sistemi spitalor publik i Auckland kishte dështuar.
Tërheqësi i plagëve Alexis është një objekt i madh i bërë nga plastika transparente e fiksuar në dy unaza. Zakonisht hiqet pas mbylljes së prerjes së mitrës në një operacion me prerje cezariane dhe para se të qepet lëkura.
Ai u gjet përfundimisht në një skanim “CT”, por për shkak se është një pajisje kirurgjikale transparente, nuk mund të zbulohej në skanimet me rreze “X”. Komisioneri vuri në dukje se ishte hera e dytë në dy vjet që një pajisje ishte lënë brenda barkut të një pacienti të spitalit të Auckland.
Të pranishmit në operacionin e gruas përfshinin një kirurg, një regjistrues, katër infermiere, dy anestezistë, dy teknikë anestezie dhe një mami të cilët i kanë kërkuar falje pacientes.
Gjendja aktuale e shëndetit të gruas nuk dihet ende edhe pse Komisioneri nuk raportoi ndonjë dëmtim të vazhdueshëm. Çështja e saj tani po shqyrtohet nga avokatët për të parë nëse duhet të ndërmerret ndonjë veprim i mëtejshëm, si akuzat disiplinore./Opinion.al
