Një 52 vjeçar me iniciale H.T banues në Durrës është ndaluar nga policia pasi në një pikë karburanti ka paguar furnizimin e mjetit me kartëmonedha të dyshuara të falsifikuara.
Specialistët për hetimin e krimit ekonomik – financiar në Drejtorinë e Policisë Lezhë, mësohet se janë njoftuar se në një pikë karburanti në Kallmet, të Lezhës 52-vjeçari ka furnizuar automjetin e tij duke paguar me një kartmonedhë 5 mijë lekë (të reja), e dyshohet se ishte e falsifikuar.
Më pas blutë kanë mundur ta ndalojnë 52-vjeçarin dhe gjithashtu, gjatë kontrollit fizik i janë gjetur e sekuestruar edhe 33 mijë lekë të reja të dyshuara të falsifikuara, të ndara në kartmonedha pesë mijëshe, dy mijëshe dhe një mijëshe.
Materialet procedurale në ngarkim të tij iu referuan Prokurorisë së Rrethit Gjyqësor Lezhë për veprën penale ” Falsifikim i monedhave “./Opinion.al/
