Alban Bengasi i shpallur në kërkim në kuadër të operacionit Plumbi i Artë është arrestuar duke hyrë në Shqipëri.
Uniformat blu bëjnë me dije se arrestimi i Alban Bengasit është bërë në Rinas.
Mësohet se Gjykata i ka caktuar masën e sigurisë “Arrest në burg”, mbi dyshime për përfshirje në veprimtari kriminale kundër personit dhe në fushën e krimit të organizuar”
“Vijon megaoperacioni policor i koduar “Golden Bullet”. Ndalohet në Rinas, një shtetas tjetër i shpallur në kërkim gjatë këtij megaoperacioni.
Në hyrje, në aeroportin e Rinasit, gjatë përpunimit të dokumentacionit të pasagjerëve, shërbimet e Policisë kanë identifikuar dhe ndaluar shtetasin A. B.
Ndaj këtij shtetasi, Gjykata e Posaçme e Shkallës së Parë për Korrupsionin dhe Krimin e Organizuar, ka caktuar masën e sigurisë “Arrest në burg”, mbi dyshime për përfshirje në veprimtari kriminale kundër personit dhe në fushën e krimit të organizuar”, tha policia.
Materialet procedurale i kaluan SPAK-ut, për veprime të mëtejshme./Opinion.al
