Siç duket vendimi i qeverisë shqiptare për vendosjen e pagesës për Rrugën e Kombit ka qenë i ngutshëm.
Gjithashtu, ky vendim ka nxitur shumë debate si brenda vendit, po ashtu edhe në Kosovë.
Kryetari i Shoqatës së Biznesit në Kukës, Sokol Kolgjini, të martën, në emisionin ‘Opinion’ është shprehur se qeveria nuk duhet të rrezikojë 24 milion euro.
Kolgjini tha se rrezikon 10 përqind e turizmit ose 1.67% e ekonomisë, shifrat janë marrë nga strategjia kombëtare e turizimit 2014-2020, e cila është hartuar nga Banka Botëre, FMN etj.
Ai tregoi se pikërisht ajo pagesë ndikon në pakësimin e vendeve të punës, pasi bie turizmi ditor.
