Ish-kryeministri, Sali Berisha ka reaguar pas publikimit të lajmit se një databazë me të dhënat e qytetarëve të punësuar në sektorin privat dhe publik, shoqëruar me kartat e tyre të identitetit, pozicionin e punës dhe pagës, po shpërndahet në Whatsapp.
Berisha shkruan se ky superskandal mund të ndodhë vetëm në një “narkoshtet që nxjerr në pazar edhe pagat e të gjithë punonjesve, zyrtarevë të tij”.
Më tej lideri historik i PD-së e cilëson nxjerrjen e pagave si goditjen më të rëndë për qellime elektorale.
“Superskandal i fundit i Narkoshtetit! Kreu i meduzës dhe banda e tij në narkoqeveri në një superskandal që mund të ndodhë vetem në një narkoshtet nxorri në pazar edhe pagat e të gjithë punonjësve, zyrtarëve të narkoshtetit të tij. Ky akt i shëmtuar është dhe superskandali më i madh dhe goditja më e rendë për qellimet elektorale por dhe të tjera të zeza të një të dhëne personale kryesore siç eshte paga për të gjithë punonjësit e Shqiperisë. Narkoshteti është shteti i bandave dhe drogës! Dënoj me ashpersinë më të madhe këtë akt të pashembullt që dëshmon dhe njëherë fytyrën e zezë të Narkoshtetit dhe kreut të tij të meduzës Edvin Rama!”, shkruan Berisha./Opinion.al
