Kryeministri Edi Rama ka shprehur trishtimin e tij për ndarjen nga jeta të këngëtares së njohur shqiptare Nexhmije Pagarusha. Përmes një postimi në Facebook ai ka shkruar:
“Një zë i rrallë dhe një zonjë e rrallë, Nexhmije Pagarusha, nuk është më mes nesh, por brenda i pashlyeshëm mbetet kujtimi i saj. Prehu në paqe zonjë e madhe,”-përfundon kryeministri në rrjete sociale.
Ditën e sotme u nda nga jeta në moshën 86-vjeçare këngëtarja e njohur Nexhmije Pagarusha, e cila prej kohësh vuante nga një sëmundje e rëndë./Opinion.al/
