Një pacient është përfshirë nga zjarri ndërsa ndodhej në sallën e operacionit.
Ngjarja besohet të ketë ndodhur për shkak të një nivelit të rritur të oksigjenit në dhomë, dhe mungesës së maskës së oksigjenit.
Megjithatë një raport i sapodalë lidhur me incidentin e ndodhur në New York në vitin 2014 jep pak detaje lidhur me ngjarjen e rëndë, raporton New York Post.
Ai nuk ka dhënë detaje të llojit të operacionit, pacientit apo rreth plagëve të marra në “Langone Medical Center” në New York , duke thënë se:
“Ka qenë një shkëndijë e cila ka përfshirë një pajisje në sallën e operacionit dhe si rezultat i sasisë së tepërt të oksigjenit, zjarri ka përshkallëzuar duke përfshirë edhe pacientin që po i nënshtrohej operacionit.”
Kjo qendër mjekësore u kritikua për procedurat e sigurisë, për shkak të zjarrit.Hetuesit thanë gjithashtu se ka pasur një dështim të komunikimit mes kirurgut dhe anestezistit.
Në SHBA raportohen shumë raste të tilla të ngjashme të zjarreve në sallat e operacionit për shkak të nivelit të lartë të oksigjenit./Klan
