Ditën e djeshme nënë e bijë u mbytën në një gropë me ujë të hapur pranë banesës së tyre në fshatin Alarup të Pogradecit.
Gropa të tilla ka pothuajsë në çdo banesë të këtij fshati, pasi në mungesë të sistemit të vaditjes banorët kanë qenë të detyruar të hapin gropa për të shfrytëzuar burimet ujore që ka zona, si e vetmja mundësi për të vaditur kulturat bujqësore, kryesisht pemëtari.
Kryeplaku i fshatit, Adriatik Hoxhallari, ka bërë apel që të bëhen investime, gjë që do të zgjidhte njëherë e mirë këtë problematikë shumëvjeçare, si pasojë e së cilës u krijua edhe tragjedia e ndodhur ditën e djeshme.
Fshati ka më shumë se 550 banorë të cilët vuajnë jo vetëm mungesën e sistemit vaditës, por edhe atë të ujit të pijshëm./Opinion.al
