Pa Silvën kundër Realit

Mançester Siti ka marrë lajme të këqija sa i përket dëmtimit të mesfushorit spanjoll, David Silva. Mesfushori i Sitit dhe i kombëtares spanjolle pësoi një lëndim në muskul në gjysmëfinalen e vajtjes në Ligën e Kampionëve në “Etihad” kundër Realit.Sipas medieve britanike që i referohen stafit mjekësor të Mançester Sitit, David Silva do të jetë jashtë fushave të blerta deri në tre javë. “Silva ka një lëndim të vogël muskular dhe ai nuk do të jetë i gatshëm këtë javë. Atij i nevojiten tre javë për t’u rikuperuar”, u shpreh trajneri i “Qytetarëve”, Manuel Pelegrini. Kjo do të thotë se trajneri i Sitit nuk do ta ketë gati mesfushorin e vet as për ndeshjen e kthimit në Madrid të mërkurën e ardhshme.