Pas një sërë problemesh psikologjike por dhe shëndetësore, Selena Gomez ka gëzuar të gjithë fansat e saj me fotografitë e fundit të postuara në Instagram. Në to Selena duket se është në një moment ku po shijon çdo çast të jetës, ashtu siç ai vjen.
Këngëtarja tregoi se ndodhet me pushime në plazh me disa mikesha të saj duke festuar ditët e fundit të beqarisë për njërën prej tyre.
26-vjeçarja pozon me bikini të bardhë, por ajo që bëri më shumë përshtypje është se, asnjëra prej fotove nuk është photoshopuar, dhe në asnjërën prej tyre këngëtarja nuk duket “perfekte”.
Ajo shfaqet me disa kilogram më tepër, pa muskuj, pa forma shpërthyese , me celulit, por sidoqoftë me një natyralitet dhe lumturi të dukshme. Fansat e Selenës janë bindur se tani ajo i ka kaluar ditët e vështira, ndërsa ndjekës dhe blogerë nga e gjithë bota e kanë përgëzuar këngëtaren dhe aktoren për shembull që dha përmes fotove.
View this post on Instagram
My best friend is getting married, so we celebrated her! Future Mrs. Lopez
“Të duam veten ashtu siç jemi, qoftë dhe me akne ose me disa kilogramë më shumë dhe të mos ndryshojmë asgjë për hir të rrjeteve sociale.”, faleminderit që na e kujtove këtë Selena shkruajnë ata./E.M
