Aktualitet

Pa maska në rrugë, policia gjobit 1267 qytetarë gjatë fundjavës


Bëhu pjesë e Grupit Zyrtar të Opinion.al
>> KËTU <<
               Publikuar në : 16:03 - 21/12/20 |
Doriana Çepunaj

Vijojnë kontrollet e autoriteteve për respektimin e masave antiCOVID. Policia e Shtetit njofton se si rezultat i kontrolleve, gjatë fundjavës, në të gjithë vendin, janë ndëshkuar me gjobë 3.000 lekë, 1267 qytetarë që janë konstatuar duke lëvizur pa maskat mbrojtëse.

Po ashtu janë shoqëruar në ambientet e Policisë në të gjithë vendin, 14 shtetas që nuk kanë pranuar t’i tregojnë punonjësve të Policisë dokumentin e identifikimit. Pasi janë identifikuar ata janë ndëshkuar me gjobë 3.000 lekë dhe më pas janë lënë të lirë.

Policia njofton se gjatë kontrolleve të ushtruara në subjekte të ndryshme, është evidentuar një lokal në të cilin ushtrohej aktiviteti në kundërshtim me protokollet e sigurisë antiCOVID. Për këtë subjekt u vendos masa administrative 1.000.000 lekë.

Gjithashtu, gjatë kontrolleve në fundjavë janë konstatuar 18 qytetarë që lëviznin në rrugë pas orës 22:00, pa arsye të domosdoshme, të cilët janë ndëshkuar me gjobë 10.000 lekë secili. / Opinion.al

Pas