Një 18-vjeçar është arrestuar nga policia pasi po drejtonte makinën pa leje drejtimi dhe me shpejtësi 216 km.
Bëhet me dije se shtetasi me iniciale A.H. 18 vjeç është ndaluar në aksin rrugor Tiranë-Elbasan për shkak të shpejtësisë së lartë dhe gjatë kontrolleve ka rezultuar pa leje drejtimi.
Njoftimi i policisë:
Drejtonte pa leje drejtimi automjetin, me shpejtësi 216 km/h, vihet në pranga 18-vjeçari.
Shërbimet e Komisariatit Rajonal të Policisë Rrugore Tiranë, nisur nga analiza e kryer për rrugët më me risk, si dhe për drejtuesit e mjeteve që shfrytëzojnë disa akse rrugore për të qarkulluar me shpejtësi të lartë apo për të bërë gara shpejtësie, kanë vijuar monitorimin e qarkullimit rrugor me anë të radarëve automatikë.
Gjatë kontrolleve të ushtruara, në aksin rrugor Tiranë-Elbasan, shërbimet e Policisë Rrugore kanë konstatuar dhe arrestuar në flagrancë shtetasin A. H., 18 vjeç, pasi drejtonte pa leje drejtimi automjetin, me shpejtësi 216 km/h.
Policia Rrugore e Tiranës apelon për të gjithë përdoruesit e rrugës që të zbatojnë me rigorozitet rregullat e qarkullimit rrugor./Opinion.al
