Prej ditës kanë shkëmbyer akuza në distancë. Kryeministri i Kosovës, Ramush Haradinaj ka komentuar sërish përplasjen e tij me homologun shqiptar Edi Rama në lidhje me ngjarjet në Samitin e Berlinit. Ai tha se Rama është vëllai i tij, por se do ta thotë të vërtetën.
“Kryeministri i Shqipërisë është një person që kam shumë respekt për të. Edi Rama është vëllai i imi, siç janë të gjithë shqiptarët. Por, të vërtetën do të them pavarësisht se kujt i pengon apo i pëlqen. Unë e kam thënë të vërtetën për atë që kam thënë në Samitin e Berlinit”, deklaroi Haradinaj.
Një ditë më parë Haradinaj tha se ekzistonte një dyshim i bazuar, se presidenti i Kosovës, Hashim Thaçi, kryeministri i Shqipërisë, Edi Rama dhe presidenti i Serbisë Aleksandër Vuçiç, kanë diskutuar lidhur me ndarjen e Kosovës.
Rama iu përgjigj në një konferencë me shefen e politikës së Jashtme të BE-së, duke thënë: Përsa i përketë komplotit për të coptuar Kosovën dhe për të krijuar në mënyrë te fshehtë hartën e botës. Më kujton shprehjen sa pa dal Facebooku budallain e njihte vetëm shtëpia e vet. Ajo porosia e agjitacionit nazist që thoshte nëse gënjeshtrën të do që ta besojnë bëje të pabesueshme, kjo është në përdorim të përditshëm. Duke përfituar nga Facebooku, me gënjeshtra marramendëse dhe te rrezikshme. Nëse gjenden aq budallenj sa të besojnë se një proces që përfshin shtete dhe jo 2 shtete por gjithë shtetete botës, që përfshinë parlamentet mund te behet fshehurazi nga disa persona dhe të kaloj këtë proces si miu me mustaqe, atëherë kjo botë ka marrë fund. Çdo shqiptar me dy mend ne koke e kupton se kjo gënjeshtër është bërë e padurueshme qe shitet online.
Po ashtu Haradinaj ka thënë këtë të enjte se suksesi më i madh i arritur gjatë Samitit të Berlinit ishte fakti që procesi i dialogut nuk i takon më Shefes së Diplomacisë Europiane, Frederica Mogherini.
Ai tha se Mogherini paraqet rrezik për ndarjen e Kosovës, teksa shtoi se tashmë procesi është në përgjegjësi të Merkelit dhe Macronit.
“Samiti i Berlinit është një ngjarje shumë e dobishme dhe e suksesshme për Kosovën sepse procesi i dialogut i është marrë Mogherinit, tek e cila ka pasë rrezik që Kosovës me i ardhë e keqja edhe përfshirë ndarjen Kosovës. Procesi i tanimë është në përgjegjësi të Merkelit dhe Macronit. Ky është suksesi më i madh sepse dialogu është hequr prej adresës, e cila ka mund të befasojë Kosovën me ndonjë marrëveshje të keqe”./Opinion.al
