Policia Kufitare e Sarandës ka ndëshkuar me masë administrative 10 000 lekë të rinj, drejtuesin e një skafi në plazhin e Ksamilit, pasi gjatë verifikimeve ka rezultuar se nuk kishte dokumentacionin e nevojshëm në bord. Gjithashtu sipas policisë, ky mjet është bllokuar deri në shlyerjen e masës administrative dhe pajisjen e drejtuesit të tij, me dokumentacionin përkatës.
Gjatë kësaj jave ka shkuar në 7 numri i mjeteve lundruese të bllokuara, ndërsa bëhet me dije se vijojnë kontrollet nga Policia Kufitare, përgjatë gjithë vijës bregdetare në Vlorë, Sarandë dhe Himarë, me qëllim rritjen e parametrave të sigurisë gjatë sezonit turistik. Kujtojmë se këto kontrolle vijnë një vit pas humbjes se jetës së një vajze të mitur, e goditur nga skafi në plazhin e Potamit./Opinion.al
