Federata Gjermane e Futbollit ka reaguar pas largimit të futbollistit me origjinë turke Mesut Ozil nga skuadra kombëtare dhe akuzave për racizëm dhe mosrespekt ndaj tij në futbollin gjerman.
“Ne e refuzojmë fuqishëm çdo lidhje që i bëhet federatës me racizmin. Ne kemi qenë të përfshirë në integrimin dhe të drejtat e njeriut në Gjermani për shumë vite me radhë. DFB-ja ndihet keq për largimin e Mesut Ozil nga Kombëtarja,” thuhet në deklaratën e Federatës Gjermane të Futbollit.
Ozil ishte kritikuar nga federata pasi ishte fotografuar me presidentin e Turqisë, Recep Tayyip Erdogan në një ngjarje të mbajtur në Londër në muajin maj.
