Presidentja në detyrë e Kosovës, Vjosa Osmani gjatë konferencës së zhvilluar me Presidentin Meta ka folur dhe për zhvillimet e fundit politike në Kosovë.
E pyetur nga gazetarët nëse Kosova do të shkojë në zgjedhje të parakohshme apo do të zgjidhet presidenti i ri ajo tha se politika e Kosovës është e paparashikueshme.
“Politika në Kosovë mund të jetë e paparashikueshme. E kam të vështirë të bëj parashikime. Në fund të janarit do të shohim nëse do të zgjidhet Presidenti apo do të shkojmë në zgjedhje. Cilido të jetë epilogu deri në fund të janarit duhet të trajtojmë me këtë çështje me maturi.
Nëse shkojmë në zgjedhje do të kalonim disa probleme që parlamenti nuk ka shumicën parlamentare që do t’i kalojë.
Parashikim të saktë nuk mund të jap, por shumë shpejt do të jetë e qartë se cila është rruga që na pret”, tha Vjosa Osmani./Opinion.al
