Nuk ka ende asnjë informacion lidhur me shkaqet që mund të kenë çuar në vrasjen e drejtuesit të lartë të OSHEE-së, Saimir Jaku. Gjithashtu nuk ka të dhëna as për autorët e dyshuar. Në ngjarje mbeti i plagosur aksidentalisht edhe 50 vjeçari Gjergj Prenga i cili është jashtë rrezikut.
33-vjeçari, Saimir Jaku, u ekzekutua sot në mëngjes në qytetin e tij të lindjes në Rrëshen. Jaku ka mbajtur për disa kohë postin e drejtorit të Njësisë së Tensionit të Lartë në Veri. Ndërsa nga data 1 shtator, ishte transferuar në Tiranë, si Shef Sektori i Asistencës Teknike SCADA + GIS / Dega Teknike. OSHEE përmes një preagimi për mediat kërkon të zbardhet sa më shpejt ngjarja.
Policia thotë se është bërë i mundur identifikimi i mjetit që dyshohet se kanë lëvizur autorët, tip Benz , i cili është lokalizuar duke u larguar në drejtim të fshatit Gallatë në Kurbin dhe po ndiqet nga policia.
Akuzat e Berishës
OSHEE gjithashtu i përgjigjet edhe disa akuzave të ngritura nga Sali Berisha në muajin Maj të këtij viti për Saimir Jakun. Berisha, referuar denoncimit të një qytetari, shkruante se jaku ka qenë i dënuar në Itali për drogë.
“Në lidhje me deklaratat e deputetit të PD-së, Sali Berisha, OSHEE kërkon të sqarojë gjithashtu se “dëshmia penale” lëshuar nga Ministria e Drejtësisë dhe formulari i dekriminalizimit, plotësuar nga z.Jaku, tregojnë se punonjësi nuk është dënuar për vepra penale. OSHEE i shpreh ngushëllime familjes dhe u bën thirrje organeve të drejtësisë të zbardhin sa më parë ngjarjen kriminale”, thuhet në njoftim.
Lexo edhe:
http://opinion.al/mirdite-vritet-drejtori-i-filialit-te-kesh/
