Nënstacioni elektrik pas 15-katëshit në qendër do të spostohet me 20 metra nga ku është aktualisht. OSHEE thotë se po e kryen këtë ndërhyrje për ti hapur rrugë zgjerimit të unazës së vogël në qytet. “Kjo zhvendosje është e rëndësishme për vazhdimin e projektit të Unazës që kërkon zgjerimin e rrugëve ekzistuese “Urani Pano” dhe rrugës “Bardhok Biba”, thuhet në njoftim.
Kompania ka nxjerr në aksion disa grupe pune, por kërkon mirëkuptimin e qytetarëve për rastet e defekteve që mund të shfaqen gjatë kësaj periudhe. “Nga ana e saj, OSHEE ka marrë të gjithë masat për riparimin sa më shpejt të avarive duke vendosur personel përforcues pranë nënstacioneve Selitë, Traktora , Rrjetit TM/TU , si dhe ekipe në terren”, sqarohet më tej.
