Misioni i OSBE në Shqipëri ka dënuar ashpër dhunën ndaj gazetarit Enver Doçi të ndodhur gjatë mbrëmjes të së shtunës.
Në një postim në Twitter OSBE thekson se dhuna ndaj gazetarëve është e papranueshme dhe i bën thirrje autoriteteve të hetojnë këtë çështje dhe të sigurojnë mbrojtjen e gazetarëve gjatë raportimit.
“Jam i shqetësuar për dhunën fizike të shtunën ndaj gazetarit të Neës24, Enver Doçi gjatë një operacioni policor në Shqipëri. Dhuna ndaj anëtarëve të medias është e papranueshme. I bëj thirrje autoriteteve të hetojnë dhe sigurojnë mbrojtjen fizike të gazetarëve gjatë raportimit” shkruan përfaqësuesi për median e lirë në OSBE.
Kujtojmë e gazetari Doçi u dhunua mbrëmjen e së shtunës gjatë një operacioni policor në Dibër. Forcat e policisë i morën atij me forcë telefonin me të cilin po filmonte, e goditën dhe i drejtuan armën.
Për këtë ngjarje nuk pati asnjë reagim nga Ministri i Brendshëm Lleshaj. Vetëm drejtoria e policisë publikoi një deklaratë me të cilën u shfajësuar duke thënë se në sajë të një operacioni kompleks, efektivi i policisë kishte vepruar pa kujdes ndaj gazetarit. /Opinion.al
I am concerned about physical attack on Saturday on #News24 journalist #EnverDoçi during police operation in #Albania. Violence against media members is unacceptable. I call on authorities to investigate and ensure protection of journalists while reporting. #JournoSafe
— OSCE media freedom (@OSCE_RFoM) July 1, 2019
