Transparency International publikoi rezultatet e Indeksit për Perceptimin e Korrupsionit për vitin 2017, duke e renditur Shqipërinë në vend të 91-të mes 180 vendeve. Shqiperia ka pesuar nje një rënie prej tetë vendesh që prej vitit 2016.
Transparency South-Eastern Europe u shpreh se në Shqipëri është bërë progres sa i takon trajtimit të korrupsionit në nivele të ulëta në sektorin publik, por shumë më shumë duhet bërë për çështje më të mëdha si korrupsioni në gjyqësor.
“Fenomeni i korrupsionit në vend vazhdon të përbëjë shqetësim serioz,” tha Kryetari i Prezencës së OSBE-së, Ambasadori Bernd Borchardt. “U bëjmë thirrje institucioneve publike dhe organeve ligjzbatuese në Shqipëri të vazhdojnë me zbatimin e reformave në drejtësi dhe reformave kundër korrupsionit në përputhje me rekomandimet dhe detyrimet ndërkombëtare të Konventës së Kombeve të Bashkuara kundër Korrupsionit”.
Borchardt tha se institucionet publike duhet të jenë më llogaridhënëse për punën e tyre dhe zyrtarët duhet të jenë më transparentë në vendimmarrje: “Edhe qytetarët duhet të luajnë rolin e tyre duke mos e toleruar dhe përkrahur këtë fenomen”.
Sakaq, prezenca e OSBE-së në Shqipëri veren se ne 2013 kishte nje prirje per ta luftuar korrupsion, por u permbys ne 2017, sic tregoi edhe raporti.
“shpreh keqardhjen që prirja pozitive që ekzistonte që nga viti 2013 (duke e çuar Shqipërinë nga një numër i vogël prej 31 pikësh në 39) u përmbys më 2017-ën dhe mbetet e përkushtuar ta mbështesë Shqipërinë në luftën e saj kundër korrupsionit,” tha Borchardt.
