Misioni i OSBE-ODIHR ka lëshuar një deklaratë për mediat ku sqaron se fokusi i punës gjatë kësaj të diele është vetëm vëzhgimi i procesit të votimit në të gjithë vendin.
Gjithashtu sqarohet se për shkak të protestave te opozitës afër shkollës “Vasil Shanto” ku ka edhe qendër votimi situata për vëzhgim nuk ishte e favorshme prandaj edhe vëzhguesit e OSBE-ODIHR nuk qëndruan atje.
OSBE-ODIHR deklaron se përfundimet paraprake të misionit do të bëhen publik vetëm nesër ( të hënën) në një konferencë për shtyp.
“Fokusi i Misionit të OSBE/ODIHR-it sot është vëzhgimi i procesit të votimit në të gjithë vendin. Situata në shkollën “Vasil Shanto” sot paradite nuk ishte i favorshëm për vëzhgim, kështu që Drejtuesja e Misionit nuk mundi të ndalet atje. Përfaqësuesit e medias do të kenë mundësinë të mësojnë më shumë rreth përfundimeve paraprake të misionit të ODIHR-it në konferencën për shtyp që do të mbahet nesër”. / Opinion.al
