Gjashtë turistë u vranë dhe 30 të tjerë u plagosën nga një ortek i madh i ndodhur në Indi.
Sipas informacioneve nga policia lokale ngjarja ka ndodhur rreth orës 12:20 pasdite pranë Nathu La, i cili është një vend i njohur turistik dhe ndodhet në një lartësi prej 4,310 metrash mbi nivelin e detit, afër kufirit Indi-Kinë në Sikkim.
Bëhet me dije se nga incidenti i ndodhur janë plagosur 30 persona, ndërkaq 22 persona janë shpëtuar deri më tani dhe janë dërguar në spitalet e afërta për ndihmë mjekësore.
Ndërkohë tetë të tjerë janë në gjendje kritike për jetën dhe operacionet e shpëtimit janë duke vazhduar akoma, tha zyrtari i lartë i policisë për CNN.
Orteku ndodhi pranë kalimit malor Nathu La dhe goditi një rrugë që lidh Nathu La dhe kryeqytetin e shtetit Gangtok./Opinion.al
