Numri i të vdekurve nga orteku në Alpet Franceze ka shkuar në gjashtë, përfshirë dy udhërrëfyes malorë, thanë autoritetet lokale.
Zyra e prokurorit në Bonneville, në rajonin Haute-Savoie, tha se trupi i një personi të gjashtë është gjetur pasi rifillimit të kërkimeve të hënën në mëngjes.Ndërkohë një person u dërgua në spital me lëndime të lehta dhe tetë persona të tjerë u gjetën të padëmtuar.
Policia ende nuk ka dhënë detaje për identitetin e viktimave.
Bëhet me dije se orteku ra ditën e dielë, nga akullnaja Armancette në Contamines-Montjoie, në rajonin Haute-Savoie, rreth 30 kilometra në jugperëndim të Chamonix.
Alpet janë një vend kryesor pushimesh gjatë fundjavës së gjatë të Pashkëve në Francë.
Stacioni lokal i radios France-Bleu tha se madhësia e ortekut ishte 1000 metra i gjatë dhe 100 metra i gjerë.
Agjencia kombëtare e motit, Meteo France, nuk kishte lëshuar një paralajmërim specifik për ortekët ditën e dielë, duke e vlerësuar rrezikun si “të kufizuar”./REL
