Për shumicën prej nesh, ky muaj është periudha më e bukur e vitit. Është muaji ku merret dhe jepet shumë dashuri e madje edhe shumë dhurata.
Festat e fundvitit kanë trokitur në familjen e çdonjërit prej nesh, duke treguar nëpër rrjetet sociale dhuratat apo si po e kalojmë këtë periudhë të bukur.
Festat kanë trokitur edhe në familjet e personazheve të njohur të ekranit, të cilët kanë zbuluar dhuratat që kanë bërë për të dashurit e tyre.
Kështu ka ndodhur edhe me çiftin e njohur e të dashur për publikun shqiptar, Turjan Hysko dhe Orinda Huta. Moderatori ka surprizuar bashkëshorten me një dhuratë që mbart një kuptim shumë të veçantë.
“Më të mirat s’kanë ardhur ende”, shkruhet në një aksesor në formë unaze që Turi i ka bërë dhuratë Orindës. Ndërkohë kjo e fundit shkruan në postimin e saj: “E di! Dashuria e jetës sime!”.
“Ne të dy kemi dashur gjithmonë një familje të madhe. Edhe betimet në dasmë, ashtu i kishim! Të jetojmë me rroça-poça nëpër këmbë! Ne jemi tre fëmijë në familjen time dhe mami po të kishte mundësi, do të kishte bërë edhe më shumë. Dua djem dhe vajza! Këto të fundit i kam pasur pikë të dobët, por nipi më bëri që të doja edhe djemtë shumë”, është shprehur Orinda Huta, duke treguar dëshirën e madhe për të zgjeruar familjen.
Turi dhe Orinda u martuan në 27 korrik të 2017 dhe pas martesës, Turi deklaroi se po punojnë me tre turne për t’u bërë me fëmijë.
