Piloti 32-vjeçar Charalambos Anagnostopulos prej së enjtes ndodhet në qelitë e policisë së Athinës, pasi rrëfeu se ka qenë ai që ka vrarë bashkëshorten e tij 20-vjeçare,Carolinë. Ndërkohë që prej asaj dite përveç vizitës nga avokati, piloti 32-vjeçar është takuar dhe më vëllanë e tij i cili mbërriti sot nga ishulli Alonissos.
Mediat greke bëjnë me dije se Anagnostopulos ka marrë disa rroba nga vëllai i tij, por dhe një libër. Ka qenë piloti ai që ka kërkuar të kishte një libër në qeli, pikërisht librin e gjeofizikanit David Begoviç “Origjina e gjithçkaje”, , një libër për civilizimin njerëzor nga Big Bengu deri në ditët e sotme.
Por policia ka qenë e habitur nga qetësia e madhe që ka treguar 32-vjeçari në qeli. Prej ditës së djeshme ai ka kërkuar vetëm një kartë telefonike për të komunikuar me familjarët e tij. 32-vjeçar Charalambos Anagnostopulos ndodhet në burg pasi pranoi që ka mbytur gruan e tij. Fillimisht Babis vari qenin për të fshehur krimin dhe për të bërë të besueshme sikur të kishte ndodhur një grabitje.
