Gjatë kontrolleve në Korçë, policia ka evidentuar 4 raste të shkeljes së protokolleve të sigurisë ndaj Covid-19.
Për pasojë, janë ndëshkuar me 1 milion lekë gjobë pronarët e 4 lokaleve, të cilët u konstatuan duke ushtruar aktivitet në kundërshtim me Aktin Normativ.
Sipas njoftimit të policisë këto lokale u gjobitën pasi u konstatua se kishin zhvilluar ceremoni festive në kundërshtim me Aktin Normativ duke mos respektuar protokollet e sigurisë.
Policia apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19. /Opinion.al
