Një grup i strukturuar kriminal me veprim në Itali dhe Shqipëri është goditur sot në kuadër të operacionit “Car Sharing”.
Si rezultat janë vënë në pranga dy anëtarë të grupit kriminal në Shqipëri, si dhe tre të tjerë në Itali, ndërsa një tjetër është shpallur në kërkim nga Policia italiane.
Konkretisht, në Fier u bë kapja dhe ndalimi i Klevis Çela, 34 vjeç, banues në Karbunare/Lushnjë, person me precedent të mëparshëm penal dhe Shpat Zeqo, 35 vjeç, banues në Lushnjë;
Ndërsa në Itali, u bë kapja dhe ndalimi i H. SH., 28 vjeç dhe A. M., 45 vjeç, nga Lushnja, si dhe D. T. , 28 vjeç, nga Durrësi, të tre me banim të përkohshëm në Itali.
Gjithashtu në Itali u shpall në kërkim shtetasi shqiptar E. H., me banim të përkohshëm në Itali.
Grupi kriminal ishte i prirur në trafikun e lëndëve narkotike në Itali, veçanërisht në Toskana.
Nga periudha gusht 2017 deri në mars 2018, shtetasi K. Ç., në rolin si organizator, koordinator dhe përgjegjës i aktiviteteve kriminale të grupit që u godit mëngjesin e sotëm, negocionte me tregtarët e drogës dhe mbikëqyrte furnizimin me drogë, për ta trafikuar në rajonin e Toskanës.
Shteasi SH. Z., në rolin e tij si pjesëmarrës solid brenda grupit kriminal kontrabandonte lëndën narkotike kokainë dhe ia dorëzonte personave që kishin negociuar më parë.
Gjithashtu ky shtetas ishte i ngarkuar për të mbledhur para nga kontrabandistët vendas dhe konsumatorët. / Opinion.al
