Pronari i një lokali në Durrës është arrestuar nga Policia pasi në mënyrë të përsëritur ka shkelur protokollet e sigurisë duke organizuar dasmë, si dhe kundërshtoi urdhrin e policisë.
Sipas informacioneve, 52-vjecari ishte ndëshkuar 2 herë me gjobë prej 1.000.000 lekë nga autoritetet dhe me mbyllje të aktivitetit për një periudhë 6-mujore, por gjatë kontrollit u konstatua përsëri duke ushtruar aktivitet në lokalin që kishte në pronësi.
Ndërkohë, Policia apelon për të gjithë pronarët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese me qëllim parandalimin e përhapjes së COVID-19.
