Organizata amerikane Pen, e cila mbron lirinë e shprehjes dhe promovon letërsinë, tha se zgjedhja e Komitetit të Nobelit për të fituar çmimin në letërsi i ka shtangur, duke shtuar se ndjejnë keqardhje të thellë për të.
“Jemi të shtangur me përzgjedhjen e një shkrimtari, i cili ka shfrytëzuar zërin e tij publik për të minuar të vërtetën historike dhe për t’iu ofruar ndihmë publike autorëve të gjenocidit, si ish-presidentit serb, Sllobodan Millosheviq, dhe ish-lideri i serbëve të Bosnjës, Radovan Karaxhiq”, tha shkrimtarja Jennifer Gean, presidente e organizatës Pen America për shkrimtarin austriak, Peter Handke, i cili fitoi Nobelin për vitin 2019.
“Në kohën e rritjes së nacionalizmit, udhëheqjes autokratike dhe dezinformimit të gjerë në mbarë botën, komuniteti letrar meriton më mirë se kjo. Ne ndjejmë keqardhje të thellë për zgjedhjen e Komitetit Nobel për Letërsinë”, tha Gean.
Zgjedhja e Handkes nxiti reagime edhe në Kosovë dhe rajon. Mes të tjerave, Akademia e Shkencave dhe Arteve e Kosovës kërkoi që të anulohet ky vendim./Opinion.al
