Personi i vrarë pas një sulmi të dyfishtë në aeroportin Orly të Parisit, mëngjesin e djeshëm është identifikuar si Ziyed Ben Belgacem nga policia franceze.
Express.co.uk, duke iu referuar burimeve policore, bën me dije se bëhet fjalë për një mysliman radikal, të njohur për autoritetet.
Ministria e Brendshme franceze konfirmoi se ky person ishte në listat e të kërkuarve i dyshuar si ekstremist mysliman, ndërsa policia i kishte bastisur shtëpinë fill pas sulmeve të përgjakshme në Paris, ku 130 persona humbën jetën.
Policia tha se ka arrestuar babain dhe vëllain i tij, me të cilët ka komunikuar menjëherë pasi qëlloi mbi një polic, në periferi të Parisit, duke e plagosur. “Kam një budallallëk, qëllova mbi një polic”,- mësohet të ketë thënë ai.
Familjarët e tij janë qytetarë francezë, ndërsa origjinën e kanë nga Tunizia.
39-vjeçari Ziyed Ben Belgacem njihej edhe si përdorues i rregullt i drogës, ndërsa për 15 vjet kishte qënë në burg.
Burimet gjithashtu pretendojnë se ai vuante nga probleme të mëdha psikologjike, ndërsa më herët ishte shprehur se donte të vriste veten.
Ai u qëllua dje për vdekje, pasi u përpoq t’i rrëmbente armën një polici, me të cilën u zotua se do vriste në emër të Allahut, ndërsa më herët raportohet të kishte plagosur në veri të Parist një polic, dhe ishte larguar nga vendngjarja me një makinë të vjedhur./BW
