Një tjetër rrëfim ka ardhur nga selia blu lidhur më atë çfarë kanë ndjerë ditën e 8 janarit personat që ndodheshin brenda godinës së Partisë Demokratike.
Këtë herë ka folur Blendi Sulaj, anëtar i Këshillit Kombëtar, i cili shprehet se më 8 janar u gjendën përpara një grupi të strukturuar dhune.
Ndër të tera ai thotë se orët e sulmit ishin ët trishta dhe të vështira për ata që ishin brenda selisë dhe familjarët e tyre.
“Të shtunën në 8 janar u gjendëm përpara një grupi të strukturuar dhune i cili ishte paguar për të na dhunuar. Orët e sulmit të drejtuar dhe të paralajmëruar nga Sali Berisha në selinë e Partisë Demokratike, ishin orët më të trishta, por edhe më të vështira për të gjithë ne që ishim brenda selisë, por edhe më shumë për familjet tona, miqtë dhe mbarë qytetarët shqiptarë të cilët nuk mund ta besonin dot se në selinë e Partisë Demokratike një njeri për interesat e tij personale mund të shkelte mbi kufoma. Më kanë telefonuar, më kanë shkruar nga jashtë Shqipërie dhe nuk mund ta besonim dot që në selinë e Partisë Demokratike mund të shiheshin skenat më të zeza të tranzicionit shqiptar”,-thotë Sulaj./Opinion.al
