Kryeministri i Hungarisë, Viktor Orban ka uruar Edi Ramën për fitoren e zgjedhjeve parlamentare, në mandatin e 4-të qeverisës.
Përmes një postimi në rrjete sociale, Orban shkruan se fitorja e Ramës ishte bindëse.
Më tej ai shprehet se mezi pret për ta takuar në Samitin Evropian të së premtes në Tiranë, të cilin e quajti historik.
“Urime Kryeministrit Edi Rama për fitoren e tij bindëse në zgjedhjet parlamentare të Shqipërisë.
I dashur Edi, mezi pres të të shoh këtë të premte në Tiranë në atë që mund të jetë një Samit historik i EPC-së”, shkruan Orban.
