Kryeministri i Hungarisë, Viktor Orban, vlerësoi si arrije të lartë diplomatike konfirmimin e kandidatit hungarez, Oliver Varhelyi si komisionar për Zgjerim dhe Fqinjësi në Bashkimin Evropian.
Orban e përshkroi këtë si “suksesin më të madh diplomatik” në një dekadë, teksa tha se Varhelyi do të mbulojë çështje të rëndësishme, si emigrimin përmes vendeve të Ballkanit, lidhjet me Ukrainën dhe sigurinë energjetike në Kaukaz dhe Azerbajxhan.
“Hungarezët tani mund të rrisin ndikimin e tyre në politikat europiane”, tha Orban.
47 vjeçari mori dritën jeshile këtë javë nga deputetët e Parlamentit Evropian. Ai ishte kandidati i dytë nga Hungaria që është propozuar për komisionar evropian. I pari, Laszlo Troscanyi, është refuzuar nga Parlamenti Evropian për shkak të konflikteve të interesit./Opinion.al
