Historia e tmerrshme e një orangutangu që përdorej si skllave seksi në një bordello indoneziane, i ka tronditur të gjithë.
Orangutangu i quajtur Pony u zbulua në një fshat në Kareng Pangi, Central Kalimantan, i lidhur me zinxhirë në një mur dhe i shtrirë në një dyshek.
Kafsha ishte shfrytëzuar pa mëshirë nga fermerët lokalë të vajit të palmës. Ata vinin në fshat dhe dhe paguanin 2 paund për të bërë seks me të.
Pony ishte rrëmbyer nga nëna e saj kur ishte e vogël. Ajo trajtohej brutalisht nga kujdestarët, të cilët e depilonin atë çdo dy ditë dhe e detyronin të mbante parfum dhe makijazh.
Ajo madje ishte mësuar të kryer veprime seksuale me kërkesë nga klientët e saj.
Lone Droscher-Nielson, i cili ishte pjesë e ekipit që shpëtoi Pony-n tha:
“Kur e gjeta ajo ishte përdorur për prostitucion dhe jo vetëm si një kafshë, unë u tmerrova. Ndoshta në naivitetin tim kurrë nuk e kisha menduar se ishte e mundur t’i bëhej një gjë e tillë një kafshe”.
“Ajo përdorej si një skllave seksi. Ishte ndoshta rreth gjashtë ose shtatë vjeçe kur e shpëtuam, por ishte mbajtur në robëri për një kohë të gjatë”.
Pas refuzimit për ta lënë të lirë, në fund u deshën 35 policë të armatosur që të shkonin atje dhe të kërkonin që pronarët të dorëzonin Pony-n.
Nga bordelloja ajo u dërgua në një qendër të drejtuar nga Fondacioni Borneo Orangutan Survival. Tashme prej vitesh jeton në qetësi.
