Kemi hyrë tashmë në orën dimërore, ndërsa pas mesnatës së të shtunës akrepat lëvizën me 60 minuta pas duke kaluar nga ora 03:00 në 02:00.
Ndryshimi i orës është bërë automatikisht tek telefonat inteligjentë dhe orët elektronike, ndërsa orët mekanike duhet të kthehen manualisht një orë pas.
Ora dimërore do të na shoqërojë deri të dielën e fundit të marsit 2022. Parlamenti Evropian dëshiron t’i japë fund ndryshimit të orës, po kështu edhe shtetet anëtare të BE-së, por ende nuk ka një vendim final.
Ideja e ndryshimit të orës u hodh në vitin 1907 nga ndërtuesi britanik Ëilliam Ëillett. Me qëllimin pr të shfrytëzuar sa më shumë rrezet natyrore të diellit duke ruajtur burimet e energjisë gjë që ishte thelbësore gjatë Luftës së Parë Botërore, kur qymyri ishte i kufizuar. Por studimet kanë vënë re se ky ndryshim afekton edhe humorin e njerëzve.
Humbja e një ore me dritë gjatë pasdites mund të shkaktojë probleme mendore, duke përfshirë edhe çrregullimin bipolar dhe çrregullimin afektiv sezonal (SAD), i njohur gjithashtu si depresioni i dimrit.
Një studim danez zbuloi një rritje prej 11% të rasteve të depresionit pas ndryshimit të kohës. Rastet u zhdukën gradualisht pas 10 javësh.
Një studim australian zbuloi se shkalla e vetëvrasjeve të meshkujve u rrit ditët pas ndryshimit të orës në pranverë dhe vjeshtë./Opinion.al
