Opozita zgjeron protestën në 12 qarqe, ja rrugët që do bllokohen

Opozita do të zhvillojë ditën e enjte protestën e radhës kundër qeverisë “Rama”.

Mësohet se, ditën e nesërme opozita, ndryshe nga herët e tjera, do e shtrijë protestën në 12 qarqe të vendit.

Protesta do të zhvillohet në orën 18:00, duke paralizuar qarkullimin në vend. Deri më tani ende nuk është dhënë një orë fikse se kur do të mbyllet protesta.

Ndërkohë, opozita u ka bërë thirrje qytetarëve që të dalin masivisht në protestë, pasi sipas saj, kështu qytetarët mbrojnë të drejtat e tyre, luftojnë kundër krimit dhe blerjes së votës.

Qarqet ku do të zhvillohet protesta

1. Qarku Kukes – Ura e Drinit ne hyrje Rruges Kombit.
2. Qarku Shkoder- Rruga Shkoder-Koplik
3. Qarku Lezhe – Mbikalimi Milot
4. Qarku Diber- Ura ne kryqezimin Burrel – Rreshen- Klos.
5. Qarku Durres- Plepa, ne hyrje te Autostrades
6. Qarku Tirane- Sheshi Shqiponja
7. Qarku Elbasan – Mbikalimi Bradashesh
8. Qarku Korçe – Hyrja, rruga nacionale e Korçes.
9. Qarku Gjirokaster- kryqezimi i Rruges Permet-Tepelene – Gjirokaster .
10. Qarku Fier- Rruga nacionale tek Ura Mbrostar.
11. Qarku Berat ne Ura Vajgurore, aksi Berat – Ura Vajgurore.
12. Qarku Vlore- Hyrja e superstrades Vlore- Levan./ Opinion.al E.Xh.